Llámanos: +34 981 160276
 

Visita a Palexco y NH Atlántico

O pasado 8 de novembro, alumnos do curso primeiro da Escola Universitaria de Turismo da Coruña visitaron as instalacións do Palacio de Congresos e Exposicións -Palexco- e do hotel NH Atlántico.

Ambas as dúas visitas enmárcanse dentro das periódicas saídas organizadas polo CENP da Coruña, cuxo obxectivo é o coñecemento dos diferentes axentes turísticos da cidade.

Palacio de Congresos e Exposicións -Palexco-

Na visita a Palexco os alumnos foron atendidos por Pilar Cossío quen tivo a amabilidade de guialos polas súas instalacións e comentarlles algúns dos aspectos máis relevantes da xestión cotiá no Palacio de Congresos.
Para introducilos no mundo da organización de congresos e coñecer o traballo dun OPC (Organizador Profesional de Congresos) achegouse a dar unha charla Marta Guimaraens, de Congrega.

Hotel NH Atlántico

A visita ao hotel NH Atlántico tivo como obxectivo ter unha primeira toma de contacto cun dos entornos máis característicos do mundo do turismo como é o relacionado coa industria hotelera.

Os alumnos foron recibidos polo xefe de recepción do NH Atlántico, Iván Sánchez, antigo alumno da Escola,  que lles deu a coñecer os quefaceres diarios da recepción e os introduciu brevemente nas competencias dos diferentes departamentos dun hotel.

 

Etiquetas: ,

 

Máis publicacións en Actividades